முருக பெருமான் தன் அடியாரை காக்க அவ்வப்போது பல ஞானியர்கள் மூலம் பல அறிய மந்திரங்களை உருவாக்கி அதன் மூலம் தன் பக்தர்களை கண்ணின் இமை போல காப்பான் என்பது உறுதி.

அப்படி இந்த யுகத்தில் மனிதர்களின் பல துயரை துடைக்க அருணகிரிநாத சுவாமிகள் அருளிய வேல் வகுப்பை வள்ளி மலை சச்சிதானந்த சுவாமிகள் மூலம் வேல்மாறல் மஹா மந்திரமாக கொடுத்தார்! ஆனால் இந்த அற்புத மந்திரம் பல ஆண்டுகள் வெளியே தெரியாமல் போனது.

இதுவும் முருகனின் திருவருள் தான் ஆம் நோய் முற்றும் போது தானே மருந்தின் அருமை புரியும். இன்று உலகின் பிணி அதிகமாக மீண்டும் வேல்மாறல் மஹா மருந்து முருகனின் திருவருளால் திரு விஜயகுமார் அய்யா அவர்களால் வெளிக்கொணரபட்டது. மேலும் இந்த வேல்மாறல் மஹா மந்திர வழிபாட்டை கூட்டு வழிபாடாக நடத்த திருச்செந்தூர் ஆண்டவன் உத்தரவு இட்டான் அதை தொடர்ந்து 1-09-2024 அன்று கோவை கௌமார மடாலயத்தில் தொடங்கி இன்று  உலகம் முழுக்க பல லட்சம் அடியார்களின் துயரை துடைத்து அவர்கள் வாழ்கையில் முருக பெருமானின் அருளை பதிக்க வைத்தது. வேல்மாறல் சேவா அறக்கட்டளையாக மலர்ந்து நிற்கிறது